Diin-laawe, Alla-kood, mulxid ama atheist, luqada aad doonto ku sheegoo weedhan waxa loo adeegsada qof Diiday jiritaanka awood sare sidoo kale wax diin ah aanan ku dhaqmin. Meerisyada soo socda waxan kuu kaxayn doona safar gaaban oo ujeedkiisu yahay inaan iftiimiyo sababta aan dadkoo dhan ugu tilmaamay diin-laawayaal.
Dadka Soomaaliyeed midda ugu daran ee heeysato ayaa ah in waxkasto iska qaataan xitaa kuwa tagay ee ku nool dalalka dibadda ee la kulmay bulsho leh dhaqamo kala duwan. Qofka Soomaaliga meel kasto uu joogo wuxuu ku adkeeystaa inuu yahay qofka ugu fiican ee leh dhaqanka ugu wanaagsan adduunka. Iyadoo taas jirto ayaa waligiisa uu waxba iska weydiinin dhaqankaan uu xambaarsan yahay, ma mid sumeeysan...